2030 Garapen Jasangarriaren Aldeko Arabako Aliantza - ods

«Gure mundua eraldatuz: garapen jasangarrirako 2030 Agenda» izenburupean, Nazio Batuen Batzar Nagusiak Garapen Jasangarrirako Agenda berria onartu zuen, 2016az geroztik indarrean dagoena. Aurrekaririk gabeko mundu-akordio honek Garapen Jasangarrirako 17 Helburutan oinarritzen da. Helburu horiek garapenaren hiru dimentsioak (ekonomikoa, soziala eta ingurumenekoa) uztartzeko jarraitu beharreko ibilbide-orria definitzen dute.

Agendan jasotako ekintza guztien ardatza 5 P deiturikoak dira:

• Pertsonak (People)
• Planeta (Planet)
• Oparotasuna (Prosperity)
• Bakea (Peace)
• Aliantzak (Partnerships)

Eta zentzu horretan, gobernuak, sektore pribatua, gizarte zibila eta pertsonak Agenda betetzera eta zentzua ematera behartuta gaude.

Arabako Foru Aldundiak bultzatutako Garapen Jasangarriaren aldeko 2030erako Arabako Aliantzak ikusgarritasuna eman nahi du, eta Lurraldeko hainbat eragilek planeta errespetatzen duen oparotasun baten alde eta horretarako egiten duten lana aitortu nahi du, eta horrez gain, ahaleginak batu nahi ditu Lurralde gisa aurrera egiteko, inor atzean utzi gabe.

2030erako Garapen Jasangarriaren aldeko Arabako Aliantza honekin, indarrak batu nahi ditugu, sare parte-hartzaile zabal eta sendo bat ehundu, eta lurraldeko eragileen artean sinergiak sortu, 17 GJHen alde.

Agendak konpromiso komun eta unibertsala eskatzen du, eta Arabak erronka espezifikoei egin behar die aurre garapen jasangarriaren bilaketa globalean; horregatik, baliabideen eta jarduera ekonomikoaren gainean dituen eskumenen esparruan, bere helburuak zehazten ditu, Garapen Jasangarriaren Helburuei (GJH) atxikiz.